Mapa Suíomh
Pages
Posts by category
Cuardaigh torthaí do:
Páipéir Scrúdaithe
Trialscrúduithe (Cóipeanna Crua)
Tá socrú déanta ag COGG le 4School.ie agus leis an ngrúpa Examcraft le cinntiú go mbeidh daltaí in ann leabhráin de na hiarpháipéir a fháil. Cuireann Examcraft cóipeanna crua de na trialscrúduaithe ar fáil gach bliain.
Páipéir na dtriailscrúduithe 2024 agus iarpháipéir na dtriailscrúduithe 2008 – 2023 (Leaganacha digiteacha)
Is féidir leat iarpháipéir triailscrúduithe i nGaeilge a íoslódáil ón suíomh Gréasáin seo. Tá an nasc thíos.
Pasfhocal na bliana seo ag do phríomhoide
De bharr cúrsaí slándála, ní thabharfaimid an pasfhocal seo amach d’aon duine a ghlaonn ar an oifig, nó d’aon duine a lorgaíonn é ar ríomhphost. Beidh ar mhúinteoirí teagmháil a dhéanamh le príomhoide na scoile chun an pasfhocal a fháil.
Iarpháipéir Scrúduithe Stáit (Cóipeanna crua)
Cuireann 4schools.ie leabhráin ar fáil d’iarpháipéir scrúduithe stáit. Gach bliain déantar uasdátú le páipéir scrúduithe stáit na bliana roimhe sin agus cuirtear iad ar fáil i mí Mheán Fómhair. Tá an soláthar teoranta, agus más féidir, iarrann 4schools.ie ar scoileanna a n-orduithe a chur isteach roimh an samhradh. Is féidir cóipeanna de na hiarpháipéir scrúduithe stáit a ordú tríd an scoil, ar líne nó glaoigh ar 01-8081494.
Iarpháipéar Scrúduithe Stáit (Cóipeanna digiteacha)
Tá iarpháipéir scrúduithe uile an stáit ar fáil le híoslódáil saor in aisce ó Shuíomh Idirlín Coimisiún na Scrúduithe Stáit.
iTunes U
Tráth an ama seo i 2009, ar mholadh Éanna Ó Brádaigh, Bainisteoir Forbairt Gnó san Oideachas le Apple, chinn COGG ceadúnas a lorg ó Apple le iTunesU a fhorbairt do scoileanna Gaeltachta agus lán-Ghaeilge na tíre. Séard a bhí i gceist leis seo ná cuid faoi leith de iTunes a bheith ann le bainistiú, dáileadh agus stiúradh a dhéanamh ar áiseanna oideachasúla do phobal fhoghlaimeoirí faoi leith.
Nuair a tugadh ceadúnas do COGG, cuireadh tús le bailiú ábhair a bhí ar fáil a d’fhéadfaí a úsáid mar thacaíocht don teagasc agus don fhoghlaim trí mheán na Gaeilge. Obair ollmhór a bheidh i gceist leis an mbailiúchán seo ar bhonn leanúnaigh ach tá réimse leathan go leor ábhar crochta ar an suíomh. Lena n-áirítear ábhar físe, ábhar fuaime, ábhar tacaíochta do mhúinteoirí agus ábhar staidéir do dhaltaí.
Táthar ag cur leis seo go leanúnach.
Comhpháirtíocht leis an acadamh
I Feabhra na bliana 2011 cuireadh tús le comhpháirtíocht idir COGG agus Acadamh na hOllscolaíochta Gaeilge a bhfuil sé mar phríomhaidhm na féidearthachtaí atá ann do iTunes U na Gaeilge a úsáid mar uirlis tacaíochta foghlama teanga agus ábhair (ag leibhéal bunscoile) a mheas.
De bharr an chomhoibrithe idir Acadamh na hOllscolaíochta Gaeilge agus RTÉ RnaG i réimse na cartlannaithe forbraíodh 300 mír fhoghlama ó bhunábhar i gCartlann RTÉ Raidió na Gaeltachta agus ó bhunábhar i gCartlann Acadamh na hOllscolaíochta Gaeilge féin. Thóg Inniúlacht Cartlainne Meán (ICM) an cainéal ó bhun go barr don ollscoil faoi stiúir an Dr Marcus Ó Conaire. D’oibrigh foireann an tionscadail i gcomhpháirt le saineolaithe ábhar agus le múinteoirí bunscoile ar mhaithe leis na míreanna a roghnú ó na cartlanna éagsúla. Chuir Ba mhór go deo an chabhair é múinteoirí a raibh an-chur amach acu ar riachtanais foghlama teanga agus eile daltaí bunscoile Rang 5 agus Rang 6 a bheith ar fáil don phróiseas roghnaithe agus forbartha míreanna. Rinneadh iarracht réimse leathan míreanna a aimsiú ina mbeadh glórtha idir óg agus aosta le cloisteáil a chlúdaigh réimse leathan canúintí ag casadh amhráin, ag aithris dánta, agus ag roinnt scéalta, míreanna eolais agus píosaí spraoi.
Tá plean foghlama forbartha a bheas múinteoirí in ann a úsáid i dtaca leis na míreanna sa seomra ranga. Cuireann an plean foghlama béim ar fhorbairt scileanna éisteachta agus scileanna labhartha trí ghníomhaíochtaí réamhéisteachta, gníomhaíochtaí le linn éisteachta agus gníomhaíochtaí iar-éisteachta chomh maith le cur síos ar ábhar agus ar shaibhreas na míreanna sa mbailiúchán. Cuireann gníomhaíochtaí an phlean foghlama béim freisin ar obair ghrúpa, ar neamhspleáchas an fhoghlaimeora, ar na daltaí a bheith ag cruthú ábhar iad féin (ar scoil agus sa mbaile) agus ar fheasacht teanga. De bharr go bhfuil scoth na Gaeilge le cloisteáil sna míreanna beidh tionchar mór acu ar shaibhriú agus ar shealbhú na Gaeilge i measc daltaí bunscoile. Baileofar aiseolas ó mhúinteoirí agus ó scoláirí ar mhaithe le forbairtí breise a dhéanamh ar na míreanna agus ar an bplean foghlama. Cuirfear na míreanna foghlama ar fáil ar an Idirlíon trí Chainéal iTunes U COGG.
(Is gá go mbeadh iTunes ar do ríomhaire agat.)
Eolaire Áiseanna Teagaisc
Anseo tá cóipeanna leictreonacha de na leabhráin áiseanna a fhoilsíonn COGG go bliantúil. Más mian leat cóip chrua den eagrán is déanaí a ordú seol ríomhphost chuig eolas@cogg.ie. Tá na heagráin is déanaí de na leabhrán le fáil anseo.
Liosta Léitheoireachta
Litearthacht na Gaeilge? Ach an bhfuil aon rud ar fáil do dhéagóirí? Tugann an leabhrán seo 100+ leabhar do dhéagóirí i nGaelcholáistí. Is leabhair iad atá molta don léitheoireacht bhreise neamhspleách.
Liosta Léitheoireachta do bhunscoileanna
Liosta Léitheoireachta do Dhéagóirí
Ráiteas Príobháideachais agus Téarmaí & Coinníollacha
Rialachas Corparáideach | Tuarascálacha Bliantúla agus Ráitis | Saoráil Faisnéise | Polasaithe | Aighneachtaí | Cosaint Sonraí | Nochtadh Cosanta | Treoirlínte Lógó COGG |
Cosaint Sonraí
Teagmháil : rgcs@cogg.ie
Oifigeach Cosanta Sonraí – Tara Carton: dpo@education.gov.ie
Téarmaí agus coinníollacha maidir le rochtain agus le húsáid an tsuímh gréasáin tá rochtain agus úsáid an tsuímh gréasáin seo faoi réir ag na téarmaí agus na coinníollacha seo a leanas. Léigh agus scrúdaigh go cúramach iad, le do thoil. Nuair a ghabhann tú thar an leathanach baile tá tú ag comhaontú cloí leo.
Dlínsí Toirmiscthe
D’fhéadfadh go mbeadh cosc ar rochtain, amharc ar, nó faisnéis a fháil ón suíomh gréasáin seo, i ndlínsí áirithe. Cuirtear an suíomh gréasáin seo ar fáil ar mhaithe le faisnéis a sholáthar do bhrabhsálaithe, agus ar mhaithe leis sin amháin, SEACHAS brabhsálaithe ar a gcuirtear cosc é sin a dhéanamh de bharr a saoránachta, a n-áit chónaithe nó ar chúiseanna eile. Más rud é go bhfuil cosc ort an suíomh a úsáid, ar na fáthanna thuasluaite, scoir ón suíomh anois, le do thoil. Más rud é nach bhfuil duine, atá ag baint úsáide as an suíomh seo, cinnte faoina gcearta maidir le húsáid an tsuímh, ba chóir don duine sin scoir ón suíomh láithreach.
Dlíthe na hÉireann i bhfeidhm
Cuirtear an suíomh gréasáin seo ar fáil de réir Dhlíthe na hÉireann agus is de réir na dlíthe sin a rialaítear an suíomh. Nuair a thagann tú ar fhaisnéis ar an suíomh, nó má amharcann tú air, tá tú ag comhaontú go bhfuil an suíomh faoi réir ag Dlíthe na hÉireann agus gur ag Cúirteanna na hÉireann atá an t-údarás i ndáil le haon chaingean a d’fhéadfadh a eascairt as aon ní ag baint leis an suíomh gréasáin agus lena ábhar. Mura bhfuil tú sásta go bhfuil Dlíthe na hÉireann i bhfeidhm agus gur ag cúirteanna na hÉireann atá an t-údarás maidir leis an suíomh, scoir ón suíomh anois, le do thoil.
Feidhm Faisnéise Amháin
Cuirtear an suíomh gréasáin seo ar fáil ar mhaithe le faisnéis a sholáthar, agus ar mhaithe leis sin amháin. Cuirtear an fhaisnéis ar leathanaigh an tsuímh seo ar fáil mar eolas agus níl sé i gceist, ná ní cóir é a bheith le tuiscint, go bhfuil ofráil, cuireadh, ionadaíocht nó baránta á dhéanamh nó á thabhairt ag An Chomhairle um Oideachas Gaeltachta & Gaelscolaíochta, nó thar ceann an Údaráis, nó ag aon pháirtí eile, aon táirge nó aon seirbhís a sholáthar.
Brabhsáil ar do Phriacal féin
Ba mhaith linn a mheabhrú duit gurb ar do phriacal féin a bhaineann tú úsáid as an suíomh gréasáin seo. Ní ghlacann An Chomhairle um Oideachas Gaeltachta & Gaelscolaíochta agus an suíomh gréasáin www.cogg.ie, nó aon pháirtí eile, dliteanas d’aon chaillteanas nó damáiste d’aon saghas, ina mbeadh san áireamh, ach gan a bheith teoranta, caillteanais nó damáistí indíreacha, teagmhasacha, speisialta, pionósacha nó iarmhartacha, nó d’aon chostais ag eascairt as, nó ag baint le húsáid nó le héagumas úsáide an tsuímh gréasáin seo, nó maidir le haon earráid, easnamh, locht, víreas ríomhaire nó teip córais, nó aon chaillteanas nó brabach, aon ghnó, conradh, ioncam, sábháil airgid réamh-mheasta, cáilmheas nó creidiúint is clú, ag eascairt as nó ag baint le teacht ar, le húsáid, le feidhmiú an tsuímh nó le brabhsáil ar an suíomh gréasáin seo nó le naisc le suíomhanna gréasáin eile ón suíomh seo.
Comhairlítear do bhrabhsálaithe go bhfuil an fhaisnéis faoi réir ag athruithe agus go ndéanfar nuashonrú air ó am go ham, gan fógra a thabhairt do na húsáideoirí. Ba mhaith linn a mheabhrú do bhrabhsálaithe go bhféadfadh An Chomhairle um Oideachas Gaeltachta & Gaelscolaíochta an suíomh a dhúnadh síos ag aon am gan fógra a thabhairt do bhrabhsálaithe. Is féidir suíomh gréasáin a chur as a riocht ón taobh amuigh, agus dá bhrí sin ba chóir do bhrabhsálaithe an fhaisnéis a sholáthraítear a léamh mar threoir amháin, a chaithfí a chinntiú leis an bhfoireann.
Ba chóir do bhrabhsálaithe súil siar a chaitheamh ar théarmaí agus coinníollacha an tsuímh seo, ó am go ham, chun a bheith ar an eolas faoi na hathruithe.
Ní ghlacann An Chomhairle um Oideachas Gaeltachta & Gaelscolaíochta le haon ghealltanas, ionadaíocht nó baránta i ndáil le hiomláine, le cinnteacht cruinnis nó le tráthúlacht faisnéise a sholáthraítear ar na leathanaigh seo, agus dá bhrí sin ní cóir brath ar an bhfaisnéis a chuirtear ar fáil ar an suíomh gréasáin, ar aon chúinse. Is féidir le tríú páirtithe cur isteach agus mionscrúdú a dhéanamh ar ríomhphoist agus ar mhodhanna eile faisnéise a tharchur ar an idirlíon agus dá bhrí sin ba chóir go ndéanfaí fíorú ar an bhfaisnéis go neamhspleách. Ní féidir le An Chomhairle um Oideachas Gaeltachta & Gaelscolaíochta slándáil agus príobháideacht mheáin chumarsáide dá leithéid a fhorchinntiú agus déanann an páirtí sin faisnéis dá leithéid a tharchur go hiomlán ar a phriacal / a priacal féin. Baineann úsáideoir úsáid as an suíomh gréasáin seo go hiomlán ar a phriacal / a priacal féin agus is ar an úsáideoir féin atá an fhreagracht agus an priacal iomlán maidir le caillteanas, ag eascairt as úsáid nó teacht ar an suíomh gréasáin nó ar a ábhar.
Nuair a úsáideann tú an suíomh gréasáin seo tá tú ag comhaontú gan aon ábhar pornagrafach, gáirsiúil, maslach nó ionsaitheach a dháileadh, a uaslódáil nó a tharchur agus gan aon bhogearra píoróideach a uaslódáil nó a tharchur, gan cead a fháil roimh ré ón té ag a bhfuil an cóipcheart, gan cearta maoin intleachtacha aon tríú páirtí a shárú, gan dáileadh nó soláthar a dhéanamh ar aon víreas bogearra nó ar aon phéist, gan dáileadh nó soláthar a dhéanamh ar shonraí, ábhar nó faisnéis atá clúmhillteach, bréagach nó a sháródh cearta dílseánaigh aon tríú páirtí agus gan aon ní a dhéanamh i ndáil leis an suíomh gréasáin, a bheadh ina ghníomh coiriúil.
Naisc chuig Suíomh Gréasáin an Tríú Páirtí
Tá naisc chuig suíomh gréasáin an tríú páirtí ar an suíomh gréasáin seo. Níl smacht ag An Chomhairle um Oideachas Gaeltachta & Gaelscolaíochta ar na suíomhanna nasctha seo agus níl An Chomhairle um Oideachas Gaeltachta & Gaelscolaíochta freagrach as nó freagrach in ábhar a bheadh sna suíomhanna nasctha sin, nó suíomhanna a beadh nasctha leis na suíomhanna nasctha sin, nó aon athrú nó nuashonrú a dhéanfaí ar na suíomhanna nasctha sin, agus mar sin de. Níl An Chomhairle um Oideachas Gaeltachta & Gaelscolaíochta freagrach as aon sórt tarchuir faisnéise ó aon cheann de na suíomhanna nasctha agus níl An Chomhairle um Oideachas Gaeltachta & Gaelscolaíochta freagrach as, más rud é nach bhfuil an suíomh nasctha ag obair i gceart. Níl i gceist ag An Chomhairle um Oideachas Gaeltachta & Gaelscolaíochta agus ag www.cogg.ie ach na naisc sin a chur ar fáil mar áis.
Cóipcheart
Tá an suíomh gréasáin seo agus an t-ábhar ann faoi chosaint ag cóipcheart agus faoi chosaint ag dlí maoine bunachar sonraí agus intleachtach eile. Forchoimheádann An Chomhairle um Oideachas Gaeltachta & Gaelscolaíochta gach ceart, teideal agus leas a bhainfeadh le maoin intleachtacha, le sonraí, le téacs, le híomhánna, le bogearraí agus le gnéithe eile a bheadh á léiriú ar an suíomh nó a dháilfí ón suíomh, mura sonraítear a mhalairt.
Ní ceadmhach aon ábhar ó na leathanaigh seo a atáirgeadh, i gcuid nó ina n-iomláine, gan cead a fháil roimh ré ó An Chomhairle um Oideachas Gaeltachta & Gaelscolaíochta. Tá cosc iomlán ar fhaisnéis ón suíomh gréasáin seo a scaipeadh. Séanann An Chomhairle um Oideachas Gaeltachta & Gaelscolaíochta aon dliteanas, d’aon sórt caillteanais nó d’aon sórt damáiste a tharlódh do dhuine de bharr úsáid a bhaint as an suíomh gréasáin seo agus de bharr ábhar ón suíomh a scaipeadh.
D’fhéadfadh go mbeadh srianta cóipchirt ag baint le hábhar sna suíomhanna nasctha lasmuigh den suíomh gréasáin seo agus ba chóir iad seo a cheadú má tá sé i gceist agat an t-ábhar iontu a úsáid ar aon bhealach.
Polasaí Príobháideachta an Chomhairle um Oideachas Gaeltachta & Gaelscolaíochta agus Cosaint Sonraí
Tá sé mar sprioc ag An Chomhairle um Oideachas Gaeltachta & Gaelscolaíochta do phríobháideacht a chosaint. Déanfaidh An Chomhairle um Oideachas Gaeltachta & Gaelscolaíochta iarracht, i gcónaí, a chuid dualgais a chomhlíonadh mar atá sonraithe sna hAchtanna um Chosaint Sonraí 1988 agus 2003.
Clárú
Is féidir teacht ar nach mór gach cuid de shuíomh gréasáin An Chomhairle um Oideachas Gaeltachta & Gaelscolaíochta www.cogg.ie gan sonraí pearsanta a sholáthar. Tá cúpla réimse, áfach, ina gcaithfear do sheoladh ríomhphoist a chur isteach, m.sh. Nuashonrú nó Clárú don Nuachtlitir.
Cén t-Eolas Eile a Bhailímid?
Bailíonn An Chomhairle um Oideachas Gaeltachta & Gaelscolaíochta agus a chonraitheoirí, sonraí faoi chuairteoirí chuig an suíomh. Déantar é seo trí thaifead a choimeád de sheoltaí IP a úsáidtear chun teacht ar na suíomh againn. Ní bhaintear úsáid as an eolas seo ach ar bhonn cnuasaigh agus chun líon na gcuairteoirí chuig an suíomh a mheas agus chun meas a dhéanamh ar na háiteanna ar an suíomh is mó a thugtar cuairt orthu. Ní bhailímid ná ní dhéanaimid meastóireacht ar an eolas seo thar ceann éinne eile.
Úsáid a bhaint as Fianáin
Baineann codanna áirithe de shuíomh gréasáin An Chomhairle um Oideachas Gaeltachta & Gaelscolaíochta www.cogg.ie úsáid as fianáin. Is é atá i gceist le “fianán” ná comhad a sheolann freastalaí An Chomhairle um Oideachas Gaeltachta & Gaelscolaíochta chuig do bhrabhsálaí, a chuireann ar chumas do ríomhaire teacht ar fhaisnéis ar shuíomh gréasáin An Chomhairle um Oideachas Gaeltachta & Gaelscolaíochta i mbealach níos tapúla agus níos éifeachtaí. Ní bhainimid úsáid as fianáin chun faisnéis phearsanta a stóráil. Is féidir leat do ríomhaire a shocrú chun go ndiúltóidh sé do gach fianán. Ba chóir duit a mheabhrú, áfach, má bhaintear fianáin tá seans ann nach n-oibreoidh cuid den suíomh go héifeachtach nó go mbeidh íoslódáil níos moille.
Ríomhphost
Seolann úsáideoirí ríomhphoist chugainn, agus tugaimid freagra orthu, ar bhonn rialta. Mar thaifead, coimeádaimid cóipeanna de gach ríomhphost a thagann isteach agus a sheoltar amach. Ní dhéanfar nochtadh, d’aon tríú páirtí, ar aon fhaisnéis ó na ríomhphoist a fhaighimid nó a sheolaimid, gan cead a fháil roimh ré ón té a sheol é.
Naisc Sheachtracha
Is féidir go gcuirfeadh An Chomhairle um Oideachas Gaeltachta & Gaelscolaíochta naisc ar fáil chuig suíomhanna gréasáin seachtracha. Níl aon smacht ag An Chomhairle um Oideachas Gaeltachta & Gaelscolaíochta ar pholasaithe príobháideachta na suíomhanna sin agus ba mhaith linn comhairle a chur ort discréid a úsáid nuair atáthar ag soláthar faisnéise ar shuíomhanna dá leithéid. Is féidir go gcuirfimis athruithe i bhfeidhm ar an bPolasaí Príobháideachta seo ó am go ham. Léireofar leagain nuashonraithe anseo. Rinneadh nuashonrú ar an leagan seo i Mí Iúil 2003.
Cosaint Sonraí
Chun a dhualgais a chomhlíonadh maidir le cosaint sonraí, mar atá sonraithe sna hAchtanna um Chosaint Sonraí 1998 agus 2003, dearbhaíonn An Chomhairle um Oideachas Gaeltachta & Gaelscolaíochta gur rialtóir sonraí é i ndáil le faisnéis phearsanta a choimeádtar fút. Seo a leanas na cuspóirí a bheadh ag An Chomhairle um Oideachas Gaeltachta & Gaelscolaíochta faisnéis fút a choimeád, a chuireann tú ar fáil trí mheán an tsuímh seo agus a fheictear do An Chomhairle um Oideachas Gaeltachta & Gaelscolaíochta go ndéanfaidh siad próiseáil air:
- (nuachtlitreacha éagsúla agus fógraí faisnéise a sholáthar a dháilfidh An Chomhairle um Oideachas Gaeltachta & Gaelscolaíochta ó am go ham; agus
- do shonraí pearsanta a chur ar fáil do chonraitheoirí tríú páirtí a dhéanann próiseáil ar na sonraí dúinn leis an gcuspóir nuachtlitreacha agus fógraí faisnéise eile a dháileadh ort, agus ar mhaithe leis sin amháin;
- chun gur féidir linn agus leis na conraitheoirí tríú páirtí a dhéanann próiseáil ar shonraí dúinn, nuashonraí a chur ar fáil duit maidir le tionscnaimh, le fógraíocht, le comórtais agus le feachtais eile a reáchtálfaimis sa todhchaí;
Mura dteastaíonn uait go seolfaí chugat aon nuachtlitir nó aon ábhar bolscaireachta eile ó An Chomhairle um Oideachas Gaeltachta & Gaelscolaíochta, ná toiligh, le do thoil, ábhar dá leithéid a fháil nuair a úsáideann tú suíomh gréasáin An Chomhairle um Oideachas Gaeltachta & Gaelscolaíochta. Má thoilíonn tú faisnéis dá leithéid a fháil agus má athraíonn tú d’aigne ina dhiaidh sin, scríobh chugainn, le do thoil, chun é seo a chur in iúl dúinn.
Teagmháil
23 Plás Windsor,
Baile Átha Cliath 2
D02 RD80
Fón: + 353 1 6340831
Ríomhphost: eolas@cogg.ie
Acmhainní
An Tairseach
Bailiúchán nua ar líne do na háiseanna atá ar fáil do theagasc na Gaeilge nó don teagasc trí Ghaeilge.
Bunachar Áiseanna
Is féidir leat cuardach a dhéanamh ar líne do sean áiseanna atá ar fáil do theagasc na Gaeilge nó don teagasc trí Ghaeilge.
Eolaire Áiseanna Teagaisc
Tá cóipeanna leictreonacha de na leabhráin áiseanna a fhoilsíonn COGG go bliantúil ar fáil anseo.
Cé Muid
Bunaíodh an Chomhairle um Oideachas Gaeltachta agus Gaelscolaíochta faoi fhorálacha Alt 31 den Acht Oideachais 1998 tar éis feachtais a chuir Comhdháil Náisiúnta na Gaeilge, Gaelscoileanna, agus Eagraíocht na Scoileanna Gaeltachta ar bun le go mbeadh sainstruchtúr ann le freastal a dhéanamh ar riachtanais oideachais na scoileanna Gaeltachta agus na scoileanna lán-Ghaeilge. Tá feidhmeanna maidir le múineadh na Gaeilge i scoileanna eile na tíre ag an gComhairle chomh maith. (tuilleadh…)