nuacht

An Tumoideachas: Na Buntáistí – Tacaíocht ón Taighde

Ar fáil anseo.

Ag deireadh na bliana 2023 lorgaíodh léirithe spéise ó institiúidí oideachais agus ó thaighdeoirí chun scagadh agus iniúchadh a dhéanamh ar an taighde go léir atá déanta ar an tumoideachas i gcomhthéacs na hÉireann. Ba ar an Dr Claire Dunne a bronnadh an conradh don obair seo thar ceann Institiúid Oideachais Marino. Tá an taighde iomlán ar fáil ar shuíomh COGG: An Tumoideachas ag an mBunleibhéal in Éirinn: Léargais ón Taighde Náisiúnta, don té ar mian leis/ léi iniúchadh iomlán a dhéanamh ar an taighde ar fad.
Tá tábhacht nach beag ag baint leis an anailís seo mar tá go leor fianaise ann go bhfuil buntáistí suntasacha ag baint leis an tumoideachas. Tá sé ríthábhachtach na buntáistí sin atá taighdebhunaithe a roinnt ar bhealach inrochtana leis na scoileanna agus leis an earnáil oideachais go ginearálta, ionas go bhféadfaí an t-eolas a chur ar thuismitheoirí agus iad ag déanamh cinntí faoi oideachas a bpáistí. Is chuige sin a forbraíodh an acmhainn seo.

Measúnú trí Ghaeilge: Treoir Phraiticiúil Ábhar Tacaíochta do Mhúinteoirí Bunscoile


Ar fáil anseo.

D’eascair an Leabhrán seo as an taighde Freastal ar Riachtanais Speisialta Oideachais i mBunscoileanna Gaeltachta: Tuarascáil Taighde 2024 (COGG). Is í Anne English údar an Tuarascála Taighe agus thuig sí agus í i mbun an taighde an gá a bhain leis na háiseanna measúnaithe go léir atá ar fáil a chur le chéile agus a chur ar fáil in aon áit amháin. Tuigtear go maith nach bhfuil an líon nó an réimse céanna áiseanna agus trialacha measúnaithe ar fáil d’earnáil an tumoideachais is atá ar fáil d’earnáil an oideachais sa Bhéarla, ach ag an am céanna tá níos mó ar fáil ná mar a cheaptar.

Comhdháil Teagaisc

  • Ar an gCéadaoin 18 Meán Fómhair, reáchtálfaidh Roinn na Nua-Ghaeilge, Coláiste na hOllscoile Corcaigh, le tacaíocht ó COGG agus ó Bhord Oideachais agus Oiliúna Chorcaí, leath lae oiliúna thar a bheith speisiúil do mhúinteoirí Gaeilge Iar-bhunscoile.
  • Tá saorchead isteach, ach ní mór clárú roimh ré ag an nasc seo.
  • Tá gach eolas ar fáil ó teagascucc@gmail.com

Éire Céad – Aip nua ar fáil

Úsáid an Matamaitic le hiontais na hÉireann a aimsiú.

iOS – Cliceáil anseo

Android – Cliceáil anseo

Is aip é Éirecéad a ceapadh le spéis daoine fásta agus daoine óga níos sine ná 10 mbliana d’aois a mhealladh sa mhata.

Cé acu ar scoil, ag an obair nó sa bhaile thú, más suim leat an mata, nó fiú más maith leat giota beag níos mó eolais a fháil ar oileán na hÉireann, seo an aip duitse.

Tá córas luaíochta a bhaineann le tíleanna a bhailiú in úsáid in Éirecéad. Freagraíonn an tÚsáideoir ceisteanna mata a nochtann, má thugtar na freagraí cearta, íomhá agus eolas ar shuímh éagsúla in Éirinn. Bailíonn an tÚsáideoir na suímh sin agus sábháiltear iad de réir catagóire: iontais nádúrtha, caisleáin, oileáin, mar shampla.

Éireoidh an tÚsáideoir níos cleachta ar na cineálacha ceisteanna agus ar an ábhar mata agus é ag dul ar aghaidh san aip, le linn dó bailiúchán pearsanta de shainchomharthaí agus de shuímh de chuid na hÉireann a chur le chéile.

Ar chríochnú na haipe don Úsáideoir, beidh 800 ceist mata freagartha i gceart aige, agus beidh 100 tíl a cheiliúrann 100 suíomh in oileán na hÉireann bailithe aige.

I ndeireadh na dála, tá an aip ceaptha le spéis dhearfach a mhealladh san Úsáideoir sa mhata, le rath a chúiteamh agus le léargas áirithe traschuraclaim a chur ar fáil ar thírdhreach, ar thíreolaíocht agus ar stair na tíre áille seo againn.

Déanfaidh Éirecéad tairbhe mhór do pháistí atá i mbun an aistrithe ón bhunscoil go dtí an iar-bhunscoil mar is ábhartha an t-ábhar don mhatamaitic a úsáidtear ar scoil ag an aois sin. Tugann sé deis ar dóigh fosta do pháistí agus do dhaoine fásta an mata a phlé sa bhaile.

Comhdháil na Múinteoirí Nuacháilithe (Bunscoil agus Iar-bhunscoil)

  • Tá Comhdháil á heagrú idir COGG agus Coláiste Mhuire gan Smál, Luimneach.
  • Díreoidh an chomhdháil lae seo ar Mhúinteoirí Nuacháilithe – múinteoirí bunscoile agus iar-bhunscoile agus na múinteoirí a beidh ag teagasc i scoil Ghaeltachta, Gaelscoil nó Gaelcholáiste ag tosú i mí Mheán Fómhair 2024.
  • Deis a bheidh ann chun eolas a fháil faoi chúraimí an mhúinteora nuacháilithe, casadh ar mhúinteoirí nuacháilithe eile agus dea-chleachtas a roinnt.
  • Tuilleadh eolais: comhdhail@cogg.ie
  • Cláraigh anseo

Comhairliúchán ar na Dréachtsonraíochtaí Churaclaim nua na Bunscoile

Mar chuid den athfhorbairt ar Churaclam na Bunscoile, tá An Chomhairle Náisiúnta Curaclaim agus Measúnachta (CNCM) ag tabhairt faoi chomhairliúchán ar Dhréachtsonraíochtaí Churaclaim nua na Bunscoile faoi láthair.

 

Cuireadh tús leis an comhairliúchán poiblí ar Dhréachtsonraíochtaí san Oideachas Ealaíon; ar an Nuatheangacha lasachta; ar an Oideachas Sóisialta agus Imshaoil; ar an Eolaíocht, Teicneolaíocht agus Innealtóireacht; agus ar an bhFolláine ar an 6ú Márta agus beidh sé ar oscailt go dtí an 7ú Meitheamh. Is éard atá i gceist leis an gcomhairliúchán ná obair le páirtithe leasmhara, ceistneoir ar line agus spás le haghaidh aigneachtaí scríofa. Reáchtálfar fócasghrúpaí timpeall na tíre chomh maith, ceann trí Ghaeilge san áireamh. Beidh an ceann trí Ghaeilge ar siúl san Ionad Oideachais na Gaillimhe ar an 16ú Aibreán (ó 3.45 i.n. – 5.15 i.n.)

Tá CNCM ag súil go mór le cloisteáil ó mhúinteoirí agus ó cheannairí scoile le linn na trí mhí atá romhainn. Má tá suim agat freastal ar an bhfócasghrúpa i nGaillimh chun do thuairimí a chur in iúl, ní mór duit clárú ag an nasc thíos.

Foirm chláraithe

 

Chun tuilleadh eolais a fháil faoin gcomhairliúchán, tabhair cuairt ar Comhairliuchan Bunscoile 2024.

1 2 3 4 … 6