San Eangach-Ceacht 2

Mír idirlín 2

Is beag fáilte a chuirtear roimh Liam sa seomra feistis, áit ina bhfuil an t-atmaisféar go dona.

Ceacht 2

Tuiscint:

Conas a théann Liam go dtí an club iománaíochta?
Cad is ainm don chomhlacht éisc?
Cad atá á dhéanamh ag Uinseann Mac an Rí (athair Rónáin) lasmuigh den chomhlacht éisc?
Cad atá á lorg aige?
Cad chuige, dar leat, go bhfuil Liam déanach don chluiche?
Cé atá ag tabhairt amach na ngeansaithe sa seomra feistis?
Cá n-imríonn Feargal Breathnach
Cé hé captaen na foirne?
Cad a ghlaonn Oisín Ó Conchubhair ar Liam?
Cad chuige, dar leat, go mbíonn leisce ar Pete (an traenálaí) geansaí a thabhairt do Rónán Mac an Rí?

Cuimhne:

Cén dath atá ar gheansaithe na foirne?
Cén dath gruaige atá ar Pete (an traenálaí)?
Cé atá ag déanamh urraíochta ar gheansaithe na foirne, meas tú?
An buachaill beag nó buachaill mór é Oisín Ó Conchubhair?
Cén áit ar an bpáirc a imríonn Rónán Mac an Rí?
Cén áit ar an bpáirc a imríonn Oisín Ó Conchubhair?.

Caint:

Is tusa Oisín Ó Conchubhair. Freagair na ceisteanna seo leis an duine atá in aice leat. Ansin cuir na ceisteanna ar Liam Ó Gríofa.

Cad is ainm duit?
Cá bhfuil tú i do chónaí? An maith leat é?
Cén áit ar mhaith leat a bheith i do chónaí?
Inis dom faoi dheacrachtaí atá agat i do shaol.
Inis dom faoi do spéiseanna.
Cén ceol is maith leat? Cén ceol nach maith leat?
Inis dom cá bhfeiceann tú tú féin i gceann cúig bliana.
Cad ba mhaith leat a dhéanamh amach anseo mar phost?
Cad iad na fadhbanna atá agat faoi láthair? An bhfeiceann tú go mbeidh réiteach agat ar na fadhbanna sin sa ghearrthreimhse?
Conas atá cúrsaí sa bhaile?
Cad chuige go bhfuil spéis mhór agat san iománaíocht?

Scríobh:

Cuir agallamh ar Pete, an traenálaí. Ba mhaith leat a fháil amach uaidh conas atá ag éirí leis mar thraenálaí foirne. Cad chuige go bhfuil brú agus strus air? Cad iad na fadhbanna is mó a bhíonn le sárú aige?

Gluais:

Ceannaí – tincéir atá i gceist sa chás seo.
Tuillte – ag dul do dhuine, dlite dó.