San Eangach-Ceacht 12

Mír idirlín 12

Tá uair na cinniúna sroiste ag Liam bocht.

Ceacht 12

Tuiscint:

Ainmnigh dhá cheann de na rudaí a thógann an t-oifigeach príosúin as mála spóirt Liam?
Cad atá scríofa i bhfocail MHÓRA ar an bpóstaer atá ag Liam?
Cad atá i dteannta an ghrianghraif de Liam agus Daisy?
Cén cruth atá ar an rud seo?
Seo cuid d’fógra atá ar an mballa taobh thiar de Liam: ‘Ní mór do chimí cloí le treoir __ ________’.
Cá gcuirtear na héadaí a bhíonn á gcaitheamh ag Liam?
Luaigh trí rud atá istigh sa seomra ina gcuirtear Liam?
An bhfuil a lán éadaí leapa ar an leaba?
An bhfuil pictiúir ar na ballaí?
Nuair a luíonn Liam ar an leaba, cén cruth a chuireann sé air féin? Cad chuige go ndéanann sé é seo, dar leat?
Cén mothúchán a mhúsclaíonn deireadh an scannáin ionat?
Cad chuige go músclaíonn sé an mothúchán seo ionat, meas tú?

Cuimhne:

Cad air a sheasann Liam chun a mheáchan a thomhas?
Cén airde é Liam, meas tú?
Cén sórt éadaí a tugtar dó le caitheamh?
Cén dath atá ar dhoras an tseomra ina gcuirtear Liam?
Cad a dhéanann Liam lena ordóga agus é ina luí ar an leaba?
Cad é an radharc deireanach de Liam a fheicimid sa ghearrscannán seo?
Cén aoibh atá ar a aghaidh sa radharc seo?

Caint:

Is rang Ardteistiméireachta sibh. Tá an gearrscannán seo feicthe agaibh. Léirigí bhur dtuairimí i dtaobh na ceisteanna a ardaítear sa scannán i ndíospóireacht ranga.

Scríobh:

Is tusa Liam. Scríobh cuntas gairid ar an tuairim atá agat i dtaobh daoine fásta agus ar an dearcadh atá agat maidir leis an mbealach ina oibríonn an dlí sa tír.

Gluais:

Cime – príosúnach, duine atá i ngéibheann.
Scálaí meáchana – gléas chun meáchan duine a mheá.