San Eangach-Ceacht 10
Mír idirlín 10
Tá Liam bocht díolta mar a mbeadh banbh muice ann.
Ceacht 10
Tuiscint:
- Cé atá i ngreim ar Liam agus é ag fágáil an tí?
- Cad a impíonn Liam ar a Mham a dhéanamh?
- Conas atá an dá Gharda gléasta?
- Cad chuige nár thaifead an CCTV an eachtra, dar leis an mbleachtaire?
- An gcreideann tú a bhfuil le rá aige?
- Cén tuairim atá ag Liam i dtaobh modhanna na nGardaí?
- Cad atá siad ag iarraidh a dhéanamh, dar leis?
- Cá gcuirtear Liam?
- Cá dtógtar é?
- Conas a bhíonn sé gléasta nuair a thagann sé amach as an scuadcharr os comhair Institiúid Naomh Eoghan?
- Cén dath atá ar a léine, a chulaith, a charbhat?
Cuimhne:
- Cá bhfuil Emma (máthair Liam) nuair a bhíonn Liam a thógaint amach?
- Cá mbíonn Daisy?
- An dóigh leat go dtuigeann Daisy a bhfuil ag tarlú? Cuir fáth amháin le do thuairim.
- Cad a ghlaonn Liam ar a Mham nuair a bhíonn sé ag imeacht?
- Cad chuige nach dtagann sí i gcabhair air, dar leat?
- Cén sórt áite í Institiúid Naomh Eoghan, dar leat?
- Déan cur síos gairid ar an bhfoirgneamh féin?
Caint:
- Cén mothúchán a léiríonn Liam, dar leat, agus é ag fágáil an tí?
- Cén mothúchán a mhúsclaíonn an eachtra seo ionat féin?
- An gceapann tú go bhfuil éagóir déanta air?
- Ma cheapann, cé ata freagrach as an éagóir sin?
- An gceapann tú gur léiriú réadúil, sochreidte atá sa mhír seo?
- An gcreideann tú go bhfuil an córas atá againne ag freastal ar riachtanais an aosa óig sa lá atá inniu ann?
- An bhfuil na seirbhísí sláinte agus cúraim easnamhach sa réimse seo, dar leat?
- An bhféadfaí iad a fheabhsú?
- Conas a bhféadfaí iad a fheabhsú, dar leat?
Scríobh:
Is tusa duine de na Gardaí a ghabh Liam. Ní mór duit tuairisc oifigiúil a scríobh ar an eachtra a tharla i gclós an chlub iománaíochta agus ar ghabháil Liam ina theach cónaithe. An tuairisc sin a scríobh síos.
Gluais:
Taifead – cuntas físe ar eachtra nó ar fhíricí.