nuacht

Triailscrúduithe 2019

Tá Triailscrúduithe na bliana seo do na hábhair éagsúla anois ar fáil le híoslódáil ó shuíomh COGG. Seoladh pasfhocal ag na hiar-bhunscoileanna uile an tseachtain seo caite agus ba chóir go mbeadh sin libh gan mhoill. Úsáid an pasfhocal le lógáil isteach faoin roinn ‘Páipéir Scrúdaithe’ ar leathanach baile suíomh COGG.

Baitsiléir san Oideachas Trí Mheán na Gaeilge (Bunmhúinteoireacht)

Baitsiléir san Oideachas Trí Mheán na Gaeilge (Bunmhúinteoireacht)

Cóid CAO: CM003/CM004

Má tá suim agat sa bhunmhúinteoireacht agus sa Ghaeilge- is í seo an chéim duitse!

Beidh Baitsiléir san Oideachas Trí Mheán na Gaeilge (Bunmhúinteoireacht) in Institiúid Oideachais Marino ó Mheán Fómhair, 2019.

Tuilleadh eolais arwww.mie.ie/oid

Bleast Eolaíochta

Beidh imeacht mór eolaíochta ag tarlú i mBaile Átha Cliath agus i Luimneach i 2019. Eagraítear an imeacht seo gach bliain ach i mbliana is mian leo ceantar Gaelscoile a chruthú ina mbeidh scoileanna as gach cearn d’Éirinn ag taispeáint a gcuid tionscadal trí Ghaeilge.

Ní chomórtas atá ann ach deis do na páistí agus do na múinteoirí scileanna cruthaitheacha agus smaointeoireachta s’acu a fhorbairt. Bíonn cuidiú agus comhairle ar fáil faoin dóigh is fearr le tabhairt faoin tionscadál. Beidh liúntas €75 ar fáil le cuidiú leis an chostas taistil. Is gá iarratas a chur isteach roimh 21 Samhain.

Is deis iontach é seo do pháistí Gaelscoile bualadh lena chéile taobh amuigh de shuíomh na scoile.

Má bhíonn aon cheist agat nó tuilleadh eolais uait, ná bíodh leisce ort dul i dteagmháil liom nó ríomhphost a chur chuig Diarmuid [email protected] atá á reáchtáil.

Eolas breise anseo: Bleast Eolaíochta

Breacadh – Foirm Ordaithe 2018/2019

Breacadh – Iris do dhaoine óga a thaitneoidh  le gach duine (idir bhuachaillí agus chailíní) mar tá sé barclíonta ó chlúdach go clúdach leis na scéalta is deireanaí.

Is féidir orduithe don iris Breacadh a dhéanamh anois don scoilbhliain 2018/2019

Breacadh – Foirm Ordaithe

Is iris í seo atá feiliúnach do dhaltaí bunscoile agus iar-bhunscoile araon.

Sonraíocht Gaeilge T1

Tá pacáiste le hábhar foghlama do Ghaeilge T1 na chéad bhliana seolta chuig na hiar-bhunscoileanna Gaeltachta agus lán-Ghaeilge

Beidh pacáiste le hábhar foghlama don dara bliain á sheoladh chuig na hiar-bhunscoileanna Gaeltachta agus lán-Ghaeilge faoi lár na míosa.

Stair: Tá leagan Gaeilge d’ábhar foghlama na chéad bhliana den leabhar ‘Timebound’ seolta chuig na scoileanna.

Tíreolaíocht: Tá leagan Gaeilge d’ábhar foghlama na chéad bhliana den leabhar ‘Real World Geography’ seolta chuig na scoileanna.

Eacnamaíocht Bhaile: Tá leagan Gaeilge d’ábhar foghlama na chéad bhliana den leabhar ‘#EatPlanLive’ seolta chuig na scoileanna.

I nGrá Dé Rang 3 agus Rang 4

Tá na leabhair ‘I nGrá Dé – Rang 3’ agus ‘I nGrá Dé – Rang 4’ anois ar fáil ó Veritas www.veritas.com  don Staidéar Reiligiúnach.  Aistriúcháin ar na leabhair ‘Grow in Love’ atá iontu.

Tá aistriúchán á dhéanamh ar na leabhair de réir a chéile. Go dtí seo ní raibh ar fáil ach Rang 1 agus Rang 2.

Tá leabhair Rang 5 agus Rang 6 le teacht amach anseo.

1 2 3 16