San Eangach-Ceacht 5

San Eangach-Ceacht 5

Mír idirlín 5

Tá cúrsaí sa bhaile níos measa ná riamh.

Ceacht 5
Tuiscint:
  • Cé atá sa bhaile nuair a fhilleann Liam?
  • Cad ata á dhéanamh ag a Mham?
  • Conas atá sí gléasta?
  • Féachann Liam uirthi le hionadh is le halltacht. Cad chuige, dar leat?
  • Cén t-ordú a thugann sí do Liam?
  • Cá dtéann sí ansin? Cá dtéann Liam?
  • Cad a thógann Daisy as mála trealaimh (spóirt) Liam?.
  • Cad chuige go ndéanann sí é sin, meas tú? Cad a cheapann sí i draobh an ruda atá tógtha amach as a mhála aici?
  • Nuair a ransaíonn Liam a mhála spóirt cad a bhíonn á lorg aige, meas tú?
  • Cad a chloiseann sé nuair a thagann sé amach as an gcith?
Cuimhne:
  • Cén sórt ceoil atá le clos ar an raidió nuair a fhilleann Liam abhaile?
  • Cad atá á ól ag a Mham?
  • Cad chuige gur mhaith le Mam nach rachadh Daisy a luí ró-luath, meas tú?
  • Cad atá ina láimh aici ag Daisy?
  • Cén mothúchán a léiríonn sí nuair nach bhfuil aon ‘surprise’ ag Liam di?
Caint:

Is tusa máthair Liam. Freagair na ceisteanna seo leis an duine atá in aice leat. Ansin cuir na ceisteanna ar dhuine de do chairde.

  • Cad is ainm duit?
  • Cá bhfuil tú i do chónaí? An maith leat é?
  • Cén áit ar mhaith leat a bheith i do chónaí?
  • Inis dom faoi dheacrachtaí atá agat i do shaol.
  • Inis dom faoi do spéiseanna.
  • Cén ceol is maith leat? Cén ceol nach maith leat?
  • Cad a cheapann tú faoin saol a bhíonn ag máithreacha aonair?
  • An bhfuil tusa tréigthe ag d’fhear céile?
  • An dtugann d’fhear céile cúnamh airgid duit?
  • An bhfuil caidreamh maith nó drochchaidreamh idir an bheirt agaibh?
  • Cé mhéad páistí atá agatsa?
  • Cad is aois dóibh?
  • An bhfuil tú ag siúl amach le haon fhear eile i láthair na huaire?
  • Inis dom cá bhfeiceann tú tú féin i gceann cúig bliana.
  • Cad ba mhaith leat a dhéanamh amach anseo mar phost?
  • Cad iad na fadhbanna atá agat faoi láthair? An bhfeiceann tú go mbeidh réiteach agat ar na fadhbanna sin sa ghearrthréimhse?
  • Conas a réitíonn tú le do mhac?
  • Conas a réitíonn tú le d’iníon?
Scríobh:

Scríobh cuntas gearr faoi na fadhbanna a bhíonn ag teaghlaigh, go háirithe teaghlaigh nach bhfuil ag feidhmiú i gceart do chlár raidió áitiúil.

Gluais:

Mála trealaimh – mála gur féidir leat trealamh spóirt a chur isteach ann.