Cartlann Catagóir: Nuacht ó COGG

Eagrán Nua – Scéalta den Scoth

Eagrán nua den leabhar Scéalta den Scoth

Tá traidisiún láidir scéalaíochta agus seanchais in Éirinn agus ní haon ionadh mar sin go bhfuil go leor scéalta breátha Gaeilge ar fáil dár léitheoirí óga. Tugann na scéalta seo deis iontach do pháistí léamh lena múinteoirí, lena gcairde, lena dtuismitheoirí, nó go neamhspleách fiú. Tá moltaí sa leabhar seo maidir le spéis a spreagadh sa léitheoireacht mar chaitheamh aimsire, treoir maidir le teacht ar leabhair spreagúla chomhaimseartha, agus moltaí chun gníomhaíochtaí a dhéanamh tar éis scéal breá a léamh. Ar fáil thíos.

Leabhrán dhigiteach ar fáil anseo.

Scríofa ag Claire M. Dunne.

Deiseanna Gairmeacha le Gaeilge

 

SEOLFAR

CAREERS WITH IRISH: DEISEANNA GAIRMEACHA LE GAEILGE

ag comhdháil bhliantúil

an IGC (Institute of Guidance Counsellors)

Dé Sathairn, an 9 Márta, 9.40 r.n.

ag MTU, Trá Lí

Seolfaidh Esther Doyle, Príomhchigire Cúnta, An Roinn Oideachais, an leagan Béarla d’acmhainn treorach nua COGG. Tugann an acmhainn tharraingteach nuálach seo spléachadh cuimsitheach ar an iliomad deiseanna gairme agus forbartha fadsaoil atá ar fáil do scoláirí iar-bhunscoile a bhfuil spéis acu an Ghaeilge a úsáid tar éis a gcuid scolaíochta.

Foilsíodh an bunleagan Gaeilge den phacáiste anuraidh. Sa leagan Béarla seo den phacáiste,  faightear léargas ar an éagsúlacht leathan cúrsaí agus printíseachtaí atá ar fáil thrí Ghaeilge nó atá bainteach le saol na Gaeilge agus na Gaeltachta.  Cuireann an Ghaeilge a lán deiseanna breise ar fáil do dhaoine óga i réimse leathan gairmeacha,  ní hamháin sa bhaile in Éirinn ach thar sáile chomh maith.  Leagann Careers with Irish: Deiseanna Gairmeacha le Gaeilge  béim ar fhás agus ar leathnú na bhféidearthachtaí gairme seo do dhaoine óga a bhfuil spéis acu leanúint ar aghaidh ag forbairt a gcuid scileanna Gaeilge.

San áireamh sa phacáiste chomh maith, tá eolas suas chun dáta ar mhórán gnéithe a mbeadh suim ag scoláirí iar-bhunscoile iontu agus iad ag roghnú gairme .i. scéimeanna cónaitheacha Gaeilge, scoláireachtaí, agus sparánachtaí a bhaineann leis an nGaeilge, mar aon le noda agus iad i mbun ullmhúcháin don roghnú gairme. Tugtar a lán samplaí spéisiúla pearsanta faoi dheiseanna oibre trí Ghaeilge nó le Gaeilge i mórán rannóga éagsúla, mar shampla:

  • Na Meáin Chumarsáide
  • Aistriúchán agus Ateangaireacht in Éirinn agus thar lear, Tithe an Oireachtais, Rannóg an Aistriúcháin agus An tAontas Eorpach san áireamh
  • An Státseirbhís agus na Seirbhísí Poiblí
  • Dlí
  • Gnó
  • Oideachas
  • Cultúr agus na hEalaíona

Is í an Chomhairle um Oideachas Gaeltachta and Gaelscolaíocht (COGG) a d’fhoilsigh Deiseanna Gairmeacha le Gaeilge agus tá an leagan Béarla agus Gaeilge ar fáil saor in aisce le seachadadh go scoileanna na tíre.  Tá leagan digiteach ar fáil le hioslódáil ar shuíomh COGG anseo agus cuirfear an pacáiste ar fáil trí chraobhacha réigiúnda den IGC san fhómhar.  Déanfar leasuithe bliantúla ar an acmhainn chun a chinntiú go mbeidh an t-eolas is déanaí faoi chúrsaí agus faoi dheiseanna ag scoláirí.

Ag cur fáilte roimh an leagan Béarla, a bhfuil tacaíocht iomlán na Roinne Oideachais aige, deir Jacqueline Ní Fhearghusa, Príomhfheidhmeannach COGG, go bhfuil sí ag súil go mór le scaipeadh an phacáiste ar scoileanna fud fad na tíre:

“Tar éis aiseolas iontach a fháil ó scoileanna Gaeltachta agus lan-Ghaeilge ar an leagan Gaeilge, táimid cinnte go mbeidh an leagan Béarla den acmhainn fíorluachmar do mhúinteoirí, do chomhairleoirí Treorach agus do scoláirí sna scoileanna uile…Seo an chéad uair a leithéid d’eolas cuimsitheach faoi dheiseanna le Gaeilge a bheith bailithe in aon áit amháin do scoláirí. Tá sé fíorthábhachtach go dtuigfeadh daoine óga ó cheann ceann na tíre cé chomh luachmhar agus a bheidh a gcuid scileanna Gaeilge dóibh sa saol oibre amach anseo”

Tá dearadh tarraingteach agus aoisoiriúnach ar an bpacáiste agus is fuarasta do scoláirí teacht ar a thuilleadh sonraí. Baintear an-úsáid as cóid QR agus naisc go físeáin éagsúla chun gur féidir breis eolais a lorg ar an bpointe.

Ag caint ar an acmhainn nua seo agus ar a thaithí féin leis an nGaeilge, deir an craoltóir aitheanta ar 2FM agus ambasadóir do Sheachtain na Gaeilge, Aindriú de Paor:

“Níl aon mhíbhuntáiste ag baint le bheith dhátheangach.  D’oscail an Ghaeilge doirse dom nach raibh a fhios agam a bhí ann agus leanann siad ag oscailt dom de shíor. Tá deiseanna thar lear duit má tá Gaeilge agat agus tá pobal amuigh ansin, idir óg agus aosta, atá cairdiúil, éirimiúil agus eisceachtúil,  atá ag plé leis an nGaeilge.”

 

—————————–CRÍOCH——————————–

 

*Bunaíodh an Chomhairle um Oideachas Gaeltachta agus Gaelscolaíochta faoi fhorálacha den Acht Oideachais chun go mbeadh sainstruchtúr ann le freastal a dhéanamh ar riachtanais oideachais na scoileanna Gaeltachta agus na scoileanna lán-Ghaeilge. Tá feidhmeanna maidir le múineadh na Gaeilge i scoileanna eile na tíre ag an gComhairle chomh maith.

 

** Fiosruithe go dtí:

Aoife Ní Shéaghdha (086 8113556) ag aoife@cogg.ie

Jacqueline Ní Fhearghusa (087 9677282) .

Cuirfear pictiúirí ar fáil do na meáin tar éis an tseolta, Dé Sathairn 9 Márta.

Deiseanna Gairmeacha le Gaeilge – Ar fáil anseo.

Leagan Béarla ar fáil anseo.

Turas na Scríbhneoireachta – Le fáil ó Siopa Údar

Áis de chuid CCEA, atá oiriúnaithe do chomhthéacs scoileanna an deiscirt ag COGG.
Tugann an áis seo treoir do mhúinteoirí agus iad ag tabhairt faoi theagasc na seánraí scríbhneoireachta.

Tá Turas na Scríbhneoireachta, do bhunranganna agus d’ardranganna, le fáil ó Siopa Údar anois ar phraghas €15 an leabhar.

Lámhleabhar do na bunranganna le fáil anseo.
Lámhleabhar do na hardranganna le fáil anseo.

Ceardlanna – Réidh, Socair, Déan Mata

Tá sé beartaithe ag beirt oifigeach oideachais COGG sraith ceardlanna lae ar Réidh Socair Déan a eagrú timpeall na tíre i mí Feabhra 2024.

Tá an cheardlann seo oscailte do mhúinteoirí ó na scoileanna Gaeltachta agus ó na Gaelscoileanna. Beidh an cheardlann ar siúl sna hionaid oideachais (seachas ceann na Gaillimhe).

Tá Réidh Socair Déan feiliúnach do mhúinteoirí na naíonán. Beidh ionadaí amháin ceadaithe do gach scoil, ach beidh fáilte roimh níos mó múinteoirí ón scoil. D’fheadfadh an cúrsa a bheith feiliúnach do mhúinteoirí tacaíochta Gaeilge ó na scoileanna Gaeltachta freisin.

Beidh gach ceardlann ag tosú gach maidin ag 9.30 agus ag críochnú ag 3.00. Cuirfear tae/caife agus lón ar fáil. Beidh cóip de leabhar an mhúinteora ar fáil do gach múinteoir a fhreastalaíonn ar an gcúrsa.

Is gá do gach múinteoir clárú agus tá rogha ag gach múinteoir cén t-ionad ab fhearr leo. Caithfear 10 a bheith againn chun an cúrsa a chur ar siúl. Is féidir clárú ag an nasc seo thíos:

https://forms.office.com/e/XBh3F06V5a

An spriocdháta na 14 Feabhra ag 5:00 i.n.

Má tá aon cheist agat faoi seo, seol ríomhphost chuig:

micheals@cogg.ie nó triona@cogg.ie

 

Coiste ETIM – Múinteoirí Bunscoile de dhíth

Tá COGG ag iarraidh coiste do mhúinteoirí a chur le chéile chun acmhainní ETIM (Eolaíocht, Teicneolaíocht, Innealtóireacht agus Matamaitic) a fhorbairt a bheadh in oiriúint do Rang 3 – Rang 6. Beidh dhá chruinniú lae aghaidh ar aghaidh i gceist chomh maith le cruinnithe ar líne.

Má tá suim agat a bheith páirteach sa choiste seo líon isteach an fhoirm seo.

 

Iasacht chuig Scoileanna Eorpacha – Múinteoirí de dhíth

Tá iarratais á lorg ag an Roinn Oideachais ó mhúinteoirí a bhfuil na cáilíochtaí cuí acu atá lánchláraithe leis an gComhairle Mhúinteoireachta, le dul ar iasacht chuig na poist sna Scoileanna Eorpacha thíos ag tosú ar an 1 Meán Fómhair 2024. 

 

Iasachtaí do Mhúinteoirí Bunscoile  

Áiteanna na bPost Bunscoile  Bunscoil (6 – 10 mbliana d’aois)   
Lucsamburg 1  Post amháin 

 

Lucsamburg II 

 

Post amháin 
Frankfurt  Post amháin 

 

Karlsruhe  Post amháin 

 

An Bhruiséil 1  Post amháin 

 

Bergen  Post amháin 

 

Varese  Post amháin (Cáilíochtaí tacaíocht foghlama inmhianaithe) 

 

 

Iasachtaí do Mhúinteoirí Iar-bhunscoile:                    

Áiteanna na bPost Iar-bhunscoile  Iar-bhunscoil (11 – 18 mbliana d’aois)  Ábha(i)r 
Mol  Gaeilge agus Ceol Gaeilge agus Ealaín Gaeilge agus Corpoideachas nó Gaeilge agus Béarla (T1 & T2)1 
Frankfurt  Gaeilge agus Béarla (T1 & T2) 
Lucsamburg 1   Gaeilge agus Béarla (T1 & T2) 
Lucsamburg II   Gaeilge agus Béarla (T1 & T2) Gaeilge agus Stair Gaeilge agus Tíreolaíocht  

 

An Bhruiséil II  Eacnamaíocht agus Stair  

 

 

Is féidir teacht ar thuilleadh eolais anseo; gov.ie – Secondment of teachers to European Schools (www.gov.ie) . Is é 5pm ar 05 Feabhra 2024 an dáta deiridh is féidir iarratais chomhlánaithe a chur isteach. 

Cúrsa Gaeilge COGG faoi stiúir Ghaelchultúr

                                                        

Tá COGG an-sásta a fhógairt go mbeidh ranganna Gaeilge á gcur ar fáil ar líne saor in aisce do mhúinteoirí iar-bhunscoile arís an téarma seo.

 D’éirigh go hiontach leis na ranganna Gaeilge do mhúinteoirí na nIar-bhunscoileanna a reáchtálamar ar líne i gcomhar le Gaelchultúr san Fhómhar,le Dianchúrsa COGG a bhí ar siúl i mí Lúnasa agus le linn an dá théarma scoile anuraidh.

Cuirtear na ranganna ar fáil saor in aisce anois ach éarlais a íoc. Is gá do mhúinteoirí éarlais €50 a íoc agus má fhreastalaíonn an múinteoir ar 8 rang as 10, gheobhaidh siad aisíoc de €50.  Má tá fíordheacracht ag aon scoil leis an éarlais seo agus más mian le múinteoirí na ranganna a dhéanamh is féidir teagmháil a dhéanamh linn go díreach agus beidh cabhair ar fáil.

Tabharfaidh na ranganna seo an-mhuinín do mhúinteoirí don teagasc trí Ghaeilge agus tacóidh siad leo barr feabhais a bhaint amach agus a bheith muiníneach sa seomra ranga trí Ghaeilge, agus leis na hacmhainní agus na háiseanna téarmaíochta Gaeilge don seomra ranga.

Tá na ranganna á soláthar ag leibhéil éagsúla chun tacú le múinteoirí an leibhéal is oiriúnaí dóibh a aimsiú:

 

Sonraí an Chúrsa

Na Leibhéil Éagsúla

  • Cuirfear tús leis na cúrsaí an tseachtain dar tús an 19 Feabhra 2024

Bunrang 2 (A2) Dé Máirt 20 Feabhra, 7-9pm Ar líne (zoom)

  • Cúrsa deich seachtaine agus rang dhá uair an chloig gach seachtain a bheidh i gceist.

Meánrang 1 (B1) Dé Máirt 20 Feabhra, 7-9pm Ar líne (zoom)

  • Beidh sos lár-téarma le linn na Cásca

Meánrang 2 (B2) Dé Céadaoin 21 Feabhra, 7-9pm Ar líne (zoom)

  • Beidh ranganna deireanacha na gcúrsaí ar siúl an tseachtain dar tús an 6 Bealtaine

Cruinneas 1  (C1) Dé Céadaoin 21 Feabhra, 7-9pm Ar líne (zoom)

  • Beidh uasmhéid de 18 rannpháirtí per leibhéal agus íosmhéid de 6 rannpháirtithe

Nasc: https://www.gaelchultur.com/ga/cursai/cursa-cogg

 

 

 

A blue and green text on a black background Description automatically generated

Breis eolais faoi nádúr na ranganna:

 

Tá siollabais, nótaí, bileoga agus acmhainní ar líne d’fhoghlaimeoirí fásta na Gaeilge forbartha ag Gaelchultúr le hocht mbliana déag ar ardchaighdeán. Bíonn na cúrsaí ar fad a mhúineann Gaelchultúr foghlaimeoirlárnach agus úsáidtear an cur chuige cumarsáideach i gcónaí. Múintear teanga atá úsáideach agus praiticiúil agus cuirtear béim ar rannpháirtíocht agus ar an ngné shóisialta den teanga. Tá Gaelchultúr den tuairim gur cheart go mbeadh spraoi ag baint le foghlaim na Gaeilge agus go mbeadh an-sásamh le baint as an bpróiseas. Múintear gramadach na Gaeilge ar bhealach atá an-idirghníomhach. Bíonn béim láidir ar obair bheirte agus ghrúpa, ar ghníomhaíochtaí rólghlactha agus ar chluichí teanga i ranganna Ghaelchultúir. Tugtar deis do na foghlaimeoirí páirt lárnach agus ghníomhach a ghlacadh i ngach rang, seachas an múinteoir  a bheith i mbun na  cainte go léir. Tugtar teastas tinrimh do na rannpháirtithe ag deireadh an chúrsa.

Sábháilteacht ar Líne – Acmhainní Nua do Pháistí Bunscoile

Beidh an Lá Sábháilteacht ar Líne 2024 ar siúl ar an 6 Feabhra 2024. Tá áthas orainn fógairt go bhfuil sraith d’acmhainní nua ón Cyber Academy ó Trend Micro curtha ar fáil do pháistí bunscoile. (Ar fáil anseo.)
Tá aon cheacht déag ar fáil a chlúdaíonn réimse leathan topaicí maidir le sábháilteacht ar líne agus tá siad in oiriúint do Rang 3 – 6. I ngach ceacht tá físeán eolais, treoir comhrá, bileog oibre agus tráth na gceist Kahoot.
  • Pasfhocail
  • Fíordheimhniú déshraithe
  • Príobháideacht
  • Slándáil
  • Nósanna sláintiúla
  • Sábháilteacht ceamara
  • Am ar líne
  • Cineáltas
  • Socruithe sábháilteachta
  • Mífhaisnéis
  • Cóipcheart
Beidh seimineáir gréasáin leath huair a chloig ar siúl i mhí Eanáir chun léiriú a thabhairt ar an leas is fearr a bhaint as an acmhainn seo. Más mian leat clárú d’aon ceann de na seimineáir gréasáin cliceáil ar an nasc cuí.
Céadaoin 10 Eanáir 2:45 – 3:15 – Cláraigh anseo.
Déardaoin 11 Eanáir 7:00 – 7:30 – Cláraigh anseo.
 
Luan 15 Eanáir 3:15 – 3:45 – Cláraigh anseo.
 
Máirt 23 Eanáir 2:45 – 3:15 – Cláraigh anseo.
 
Céadaoin 24 Eanáir 3:00 – 3:30 – Cláraigh anseo.

1 2 3 4